Tilgangur fundarins er að móta hlutverk og stefnu Félags kvenna í vísindum sem síðan verður lögð fram fyrir meðlimi félagsins á aðalfundi í byrjun júní 2016. Til að auðvelda þessa vinnu hafa skipuleggjendur skipulagt nokkra málefnaflokka sem ná yfir vítt svið. Þátttakendum í stefnumótunardeginum verður skipt í hópa með sex til átta þátttakendum í hverjum hópi. Hver hópur mun fjalla um eitt málefni og ræða hvernig viðkomandi málefni tengist markmiðum félagsins. Í lok fundar koma allir hópar saman og kynna niðurstöður sínar. Bráðabirgðastjórn sér um skipulagningu fundar, leiðir hópa í umræðum og tekur saman tillögur fundarins fyrir aðalfund.