Í erindinu verður fjallað um hugmyndafræðilegar, aðferðafræðilegar og pólitískar valkreppur sem fylgja því að rannsaka LGBT fólksflutninga, þegar gefinn er gaumur að erfiðum áföllum og ósegjanlegri fortíð sem ásækir hugmyndir samtímans um kynhneigð og kyn. Erindið fjallar um þögnina sem einkennt hefur bæði sameiginlegar minningar og sagnfræðilega umfjöllun um sambönd fólks af sama kyni í Gúlagi Sovétríkjanna. Sýnt verður fram á hvernig minningar um Gúlagið hafa haft mótandi áhrif á núverandi mynd hómófóbíu, eins og LGBT fólk upplifir hana eftir fall Sovétríkjanna. Hugmyndir Avery Gordons um reimleika sem aðferð til að fjalla um „týnda þegna sögunnar“ verða ræddar, sem og hvernig skoðun á veigrunarorðum geti opnað glugga inn í þessa erfiðu fortíð. Þetta ryður svo hugsanlega brautina fyrir hinsegin farandpólitík sem fjallar um það að tilheyra.