Startup Reykjavík stendur fyrir viðburði fimmtudaginn 15.mars kl 17:00-19:00 í Marshall húsinu í samstarfi við Sendiráð Bandaríkjanna í Reykjavík og Crowberry Capital.

Co hosts: Ungar Athafnakonur og Women Tech Iceland

#EngarHindranir er átak sem Icelandic Startups stendur fyrir til þess að hvetja konur til þátttöku í nýsköpun og frumkvöðlastarfsemi með því að sýna sterkar fyrirmyndir úr sprotaumhverfinu. Átakið hefur skilað sér í jafnara kynjahlutfalli í verkefni sem Icelandic Startups stendur fyrir.

SKRÁNING:
https://innovit.wufoo.eu/forms/skraning-a-engarhindranir-viabura-15mars/

Fram koma:

- Kolbrún Hrafnkelsdóttir, forstjóri og stofnandi Florealis.
Kolbrún tók þátt í Startup Reykjavík 2013 með fyrirtæki sitt Florealis sem þróar og markaðsset­ur skráð jurta­lyf og lækningavör­ur. Hún mun segja frá sinni persónulegu reynslu af stofnun fyrirtækis og þeim áskorunum sem hún hefur staðið frammi fyrir í þeirri vegferð.

- Þórey Vilhjálmsdóttir, ráðgjafi hjá Capacent
Þórey býr yfir 20 ára reynslu af fyrirtækjarekstri, stjórnun, stefnumótun, viðskipta- og vöru þróun, fjölmiðlum, nýsköpun og teymisvinnu. Hún hefur stofnað og rekið fjögur fyrirtæki, bæði á Íslandi og í Rússlandi. Þórey hefur einnig reynslu úr stjórnsýslu og stjórnmálum. Hjá Capacent hefur hún m.a. innleitt ráðgjafaverkefni þar sem aðferðafræði Design Thinking er höfð að leiðarljósi auk þess að hafa nýlega kynnt til sögunar verkefnið Jafnréttisvísi Capacent.

- Emily Cintora, stjórnmálaerindreki Sendiráðs Bandaríkjanna í Reykjavík, og Ester Halldórsdóttir, viðskiptafulltrúi Sendiráðs Bandaríkjanna í Reykjavík.
Emily hefur starfað í sendiráðum Bandaríkjanna í Súdan og Frakklandi, hjá Utanríkisráðuneyti Bandaríkjanna í Washington, og hefur áður unnið að málefnum flóttamanna. Í starfi sínu sem stjórnmálaerindreki Sendiráðs Bandaríkjanna í Reykjavík leggur Emily áherslu á tvíhliðasamskipti, málefni sem tengjast mannréttindum og mansali, ásamt stjórnsýslu- og hernaðarmálum. Emily og Ester munu fjalla um konur og jafnréttismál í utanríkisþjónustu Bandaríkjanna, ásamt því að kynna starfsemi viðskiptadeildar sendiráðsins og SelectUSA.

- Crowberry Capital er fjárfestingasjóður stofnaður árið 2016 af þeim Helgu Valfells, Heklu Arnardóttur og Jenný Ruth Hrafnsdóttur. Þær munu deila tölfræði um fjárfestingar á Íslandi, hverjir eru að leita að fjármagni og hverjir eru að fá fjármagn.

-Fundarstjóri verður Edda Konráðsdóttir, verkefnastjóri Startup Reykjavík

Takmarkaður sætafjöldi er í boði. Vinsamlegast staðfestið mætingu á eftirfarandi skráningarformi:
https://innovit.wufoo.eu/forms/skraning-a-engarhindranir-viabura-15mars/

-- Opið er fyrir umsóknir í Startup Reykjavík til 8. apríl --