Að þessu sinni er viðfangsefnið staða kvenna og rými þeirra til virkrar þátttöku í atvinnulífi, stjórnmálum og samfélagslegri umræðu. Á stokk stíga þrjár konur sem hafa lokið doktorsprófi á síðustu fimm árum:

Dr. Sigrún María Kristinsdóttir, umhverfis- og auðlindafræðingur.
,,Snertu steininn." Aðferðir til að auka þátttöku kvenna í lausnamiðuðum heimskaffihúsum sem ætlað var að auka mataröryggi, sjálfbærni og félagslegt jafnrétti í fátæku héraði á Indlandi.

Dr. Ásrún Matthíasdóttir, menntunarfræðingur.
Hvar eru stelpurnar í tækninni? Hvers vegna fara stelpur síður í raungreinar (s.s. tölvunarfræði) og hvað getum við gert til að auka aðsókn þeirra?

Dr. Auður Aðalsteinsdóttir, bókmenntafræðingur.
,,Hið óljúfa dómarasæti." Hvaða raddir eiga erindi á vettvangi menningargagnrýninnar?

Umræðustjóri málþingsins er dr. Íris Ellenberger, sagnfræðingur.

Aðgangur er ókeypis. Léttar veitingar í boði.